Засгийн газрын бодлого шийдвэрийг эсэргүүцэж гацаасан гэх шалтгаанаар Ховд аймгийн Засаг даргын зөөлөн суудлаас буусан “үхэрчин хүү” Б.Дүгэржав нэг хэсэг гудманд лааз өшиглөж яваад 2025 оны эхээр “Тавантолгой төмөр зам” ХХК-ийн гүйцэтгэх захирлаар томилогдсон.  Ховдыг олон жил удирдсан ч Засагтаа гологдсон тэрбээр “Эрдэнэбүрэнгийн усан цахилгаан станц” төслийг санаатайгаар гацаасан гэдэг. Ийнхүү Засагдаа гологдож, намдаа мартагдаж явсан тэрбээр сарын 15 сая 600 мянган төгрөгийн цалинтай Төрийн өмчит компанийн гүйцэтгэх захирлын зөөлөн сэнтийд тухлаад удаагүй.

Түүний өмнөх захирал Н.Будбаяр сард 15,6 сая төгрөгийн цалин авдаг байжээ. Б.Дүгэржав захирал ч ийм хэмжээний цалинтай ажиллах нь тодорхой. “Тавантолгой төмөр зам” ХХК-ийн ТУЗ-өөс онцгой нөхцлийн гэрээ байгуулах юм.

Татвар төлөгчдийн мөнгийг хий дэмий зүйлд зарцуулаад “сурчихсан” Дүгэрээ дарга 2025 оны 01 дүгээр сарын 08-ний өдрөөс 2025 оны 12 дугаар сарын 31-ний өдрийг дуустал 7 хоног бүрийн лхагва гарагт 18:00-20:00 цаг хүртэл СПОРТ ЗААЛАНД тоглохоор тооцож хоёр цагийн төлбөрт 374 мянган төгрөг төлөхөөр гэрээ байгуулж жилийн хугацаанд нийтдээ 44 оролтын төлбөрт 16 сая 456 мянган төгрөгийг төлбөрт тушаахаар “СОЁОЛОН УУДАМ” ХХК-ийн захирал Л.БАЯРЦЭНГЭЛТЭЙ 2025 оны 01 сарын 22-нд гэрээ байгуулжээ.

Түүнчлэн татвар төлөгчдийн төлсөн мөнгийг ямар зорилгоор хадгаламж нээлгэж хадгалуулсан нь АНХААРАЛ ТАТАЖ байна. Тодруулбал “Тавантолгой төмөр зам” ХХК-ийн Төрийн банкны 109090914697 тоот данснаас “АРИГ” банкны 2102998993 тоот дансруу ЗУРГААН ТЭРБУМ ТӨГРӨГИЙГ хадгаламж үүсгэв гэх утгаар шилжүүлсэн байна.