2015 оноос эхлэн жил бүрийн энэ өдрийг “Дэлхийн ширээний теннисний өдөр” болгон дэлхий даяар тэмдэглэж ирсэн. Энэ хүрээнд НЗДТГ, нийслэлийн Биеийн тамир, спортын газар болон Монголын ширээний теннисний холбоо хамтран “Хангарди” ширээний теннисний өдөрлөгийг зохион байгуулж байна.

Иргэдийг биеийн тамир, спортоор хичээллэх орчин нөхцөл бүрдүүлэх, эрүүл чийрэг, идэвхтэй хөдөлгөөнөөр хүүхэд, залуусын бие бялдрыг өв тэгш хөгжүүлэх зорилгоор зохион байгуулж буй уг өдөрлөг Д.Сүхбаатарын талбайн асарт үргэлжилж байна. Уг өдөрлөг өнөөдөр 19:00 цаг хүртэл үргэлжилнэ.
Өдөрлөгөөр хүүхдийн нөхөрсөг тэмцээн, ахмадын тэмцээн, сонирхогчдын дундах тэмцээн болж байна. Мөн Монгол Улсын баг тамирчид БНХАУ-ын тамирчидтай нөхөрсөг тоглолт хийнэ.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС