Короновирусээс урьдчилан сэргийлэх ажлын хүрээнд Дархан-Уул аймгийн Засаг даргын нөөц хөрөнгөнөөс сумдын эрүүл мэндийн төвүүдэд тус бүр 3 сая төгрөгийн өртөг бүхий эм эмнэлгийн хэрэгслийг гардуулж эхэллээ. Өнөөдөр /2020.1.31/ аймгийн Засаг дарга С.Насанбат Орхон сумын Эрүүл мэндийн төвд амны хаалт, халад, комбинзон, нүдний шил, хормогч, бээлий, духны халуун хэмжигч, спирт, санитол, кагоцел, улавч, вирусын эсрэг эм, ариутгагч бодис зэрэг нийт 22 нэр төрлийн эм эмнэлгийн хэрэгслийг хүлээн өглөө.