Монгол ардын нам

Цэрэнпунцаг

Ц.Цэрэнпунцаг нь “Жэм интернэшнл”-ийг үүсгэн байгуулагч Жи-Мобайлын эзэн гэгддэг бөгөөд ойр дотны хүмүүсынх нь ярьж буйгаар нэлээд хөрөнгөтэй нэгэн гэнэ. Тэрбээр нэгэн цагт бөхийн зүлэг ногоон дэвжээнээ барилдаж “Улсын Гарьд” цол хүртэж байсан.

Б.Баярсайхан

Түүний хувьд УБДС-ийг найрал дууны ангийг дүүргэсэн. Энэ сургуулийг төгссөн, энэ сургуулиар овоглож явдаг олон олон эрхэм улс төрд хөл тавьсны нэг нь БСШУСЯ-ны Төрийн нарийн бичгийн дарга Б.Баярсайхан. Мөн түүнчлэн Монгол Улсын Удирдлагын институт, АНУ-ын Удирдлагын институтыг тус тус төгссөн.  Ажлынхаа гарааг Монголын Үндэсний олон нийтийн телевизийн хөтлөгчөөс эхэлсэн байна.

Ардчилсан нам

УИХ-ын гишүүн З.Нарантуяа

З.Нарантуяа гишүүний хувьд Санхүү, эдийн засгийн дээд сургууль, эдийн засагч-санхүүч мэргэжлээр, АНУ-ын Нью-Йорк, Колумбын их сургуулийн Олон улсын харилцааны сургуулийг  төрийн удирдлагын магистраар тус тус төгсчээ. Тэрээр Ардчилсан эмэгтэйчүүдийн холбооны дэд тэргүүн, Завхан аймгийн Ардчилсан намын хорооны дарга, Санхүүгийн зохицуулах хорооны даргаар ажиллаж байсан. Өнгөрөгч УИХ-ын сонгуулиар  Завхан аймгаас сонгогдон төрд ажиллаж байна.

Д.Батсайхан

Даймаа овогтой Батсайхан нь 1972 оны 4 дүгээр сарын 16-ны өдөр Завхан аймгийн Идэр суманд төрсөн. Түүний хувьд МУИС-ийг Санхүүч-Эдийн засагч мэргэжлээр, Удирдлагын акедамийг Төрийн удирдлагын арга зүйч зохион байгуулагч мэргэжлээр, Удирдлагын акедамид Төрийн удирдахуйн ухааны магистраар тус тус төгссөн. Мөн Америкийн Нэгдсэн Улсын Вашингтон хотноо эдийн засгийн чиглэлээр суралцаж мэргэжил дээшлүүлсэн. Тэрээр ХААН төв банкинд Дэд захирал, ХААН төв банкинд Гүйцэтгэх захирлын орлогч, ТӨРИЙН БАНК-ны Ерөнхий захиралын албыг хашиж байсан. Одоогоор Завхан аймгийн Засаг даргаар ажиллаж байна.

Зөв хүн электорат эвсэл

С.Бямбасүрэн

Монголын социал демократ намын залуучуудын холбооны тэргүүн С.Бямбасүрэн. Түүний хувьд БНСУ-ын Хансо их сургуулийг Улс төр судлал, олон улсын харилцаагаар төгссөн. Монгол-Солонгосын бизнесийн зөвлөлийн Тэргүүн. Тэрээр 2020 оны УИХ-ын сонгуульд Зөв хүн электорат эвсэлээс Завхан аймагт нэр дэвшихээр болсон.

Б.Амараа

Б.Амараа нь ШУТИС-ийг төгссөн. Монгол Газрын тос боловсруулах үйлдвэрт Автозамын инженерээр ажилладаг. Тэрээр мөн энэ удаагийн УИХ-ын сонгуульд Зөв хүн электорат эвсэлээс нэр дэвшихээр болсон

Монгол Ардын Хувьсгалт нам

Э.Гүндсамбуу

Түүний хувьд мэргэшсэн нягтлан бодогч мэргэжилтэй. Төрийн удирдлагын магистрын зэрэгтэй. МАХН-ын Бага чуулганы гишүүн, МАХН-ын Завхан аймгийн 18-р мянгатын дарга, Завхан аймгийн МАХН-ын түмтийн даргаар ажилладаг.

Д.Эрдэнэцогт

ОУ-ын зэвсгийн шинжээч доктор хурандаа Доржпаламын Эрдэнэцогт. Тэрээр 2020 оны УИХ-ын сонгуульд МАХН-аас нэр дэвшихээр болсон.