Засгийн газраас төрийн байгууллагуудыг төсвөө хэмнэж, онц хэрэггүй зүйлд мөнгө зарлагадахгүй байхыг даалгаж 43-р тогтоол баталсан. Сүүлд нь УИХ-аар ТӨРИЙН ХЭМНЭЛТИЙН ТУХАЙ ХУУЛИЙГ БАТЛУУЛСАН. Гэсэн ч дарга нарын ЭРХ ЯМБА дарагдахгүй бололтой. Учир нь Эрчим хүчний зохицуулах хорооны дарга Э.Түвшинчулуун гарын үсэг зурж олон жил, хэвийн үйл ажиллагаа явуулж ирсэн ХУРЛЫН ЗААЛАА шинэчлэх гэнэ.

Хурлын заалаа шинэчилж солихгүй бол АЖИЛ НЬ УРАГЛАХГҮЙ байгаа бололтой. Тодруулбал Эрчим хүчний зохицуулах хорооны удирдлагууд мөнгө үрж, төсвийн мөнгөөр тоглохгүй л бол санаа амрахгүй аж. Тэд татвар төлөгчдийн 77 сая төгрөгөөр ӨНДӨРЛӨГӨӨТЭЙ ШАЛ, ГОЛЁЛЫН ХАНА ХИЙЛГЭХ зураг төсөв гаргаж, улмаар ТЕНДЕР ЗАРЛАЧИХСАН байна.