Эрчим хүчний яамны төрийн нарийн бичгийн дарга Н.ТАВИНБЭХ 2024 оны 10 дугаар сарын 24-нд б/3333 тоот албан бичиг үйлдэж салбарынхаа харьяа агентлагын дарга нарт хаяглан “Эрчим хүчний салбарын үнэ тарифын шинэчлэлийн хүрээнд зарим үйлдвэр, нүүрсний уурхайн нөхцөл байдал, тулгамдаж буй асуудлаар олон нийтэд зориулсан видео шторк бэлтгэх арга хэмжээг 2024 оны 10 сарын 24-31-н хүртэл зохион байгуулна. Ийм шаардагдах төсөв санхүү, автомашины зардлыг гарга” хэмээн үүрэгджээ.

Дээрх үйл ажиллагаанд ХЭВЛЭЛ МЭДЭЭЛЛИЙН 300 сэтгүүлчийг хамруулна гэж тооцоог нь гаргасан байна. Ингэхдээ 60 сэтгүүлчийг нэг өдөрт Багануур дүүргийн “Багануурын уурхай”-д аваачин танилцуулга хийлгэн хооллож, ундалжээ. Энэ мэтээр 300 сэтгүүлчийг 5 хоногт ажиллуулж, болж бүтэхгүй байгаа, тулгамдсан асуудлаа сурталчилуулжээ. Сэтгүүлчдийн хоол унданд 9,8 сая төгрөгийг зарцуулжээ.

Үүний үр дүнд Н.Тавинбэх дарга санасандаа хүрч цахилгаан дулааны үнийг нэмүүлж чаджээ.