Уламжлалт мал аж ахуйд тулгамдаж байгаа уур амьсгалын өөрчлөлтөөс шалтгаалсан сөрөг нөлөөллийг бууруулах тухай хууль, “Шинэ хоршоо хөдөлгөөн”-ийг эрчимжүүлэх зорилгоор сумдын хүнс, жижиг, дунд үйлдвэр, хоршооны асуудал хариуцсан мэргэжилтнүүдийг чадавхижуулах сургалтыг зохион байгууллаа. Сургалт “Хоршоо хөгжүүлэх сан”-ийн эргэн төлөлтийг сайжруулж, чанаргүй зээлийн хэмжээг бууруулах болон хоршоодыг чадавхижуулах чиглэлээр явагдлаа. Сургалтыг аймгийн Прокурорын газар, Шүүхийн Тамгын газар, Шүүхийн шийдвэр гүйцэтгэх газар, Улсын бүртгэлийн хэлтэс, Татварын хэлтэс, Хөдөө аж ахуйн хоршоологчдын холбоотой хамтран зохион байгуулав.