Уулын баяжуулах үйлдвэрүүдээс голлох санхүүгээ босгодог “Монголросцветмет” ТӨҮГ-ийн захирлаар УИХ-ын гишүүн асан Д.Тогтохсүрэн очсон. Наанаа тохьтой томоотой хүн мэт боловч гол очсон зорилго нь мэдээж өөр. 2024 оны УИХ-ын сонгуульд үрсэн МӨНГӨӨ БОСГОЖ, ШАРХАА НӨХӨЖ, ИРЭХ СОНГУУЛИЙН ЗАРДЛАА БОСГОХ гэж очсон нь лавтай.

Үүнийг батлах шиг 2024 оны 09 дүгээр сарын эхээр тус компанийн ерөнхий захирлаар томилогдсон Д.Тогтохсүрэн гишүүн хөлс хүчээ урсган байж ажилладаг уурхайчдын бүрдүүлсэн мөнгөөр ТАНСАГЛАЖ, ӨӨРИЙН ЭРХ ЯМБАА тохируулж байна.

БАРИМТ: Хаан даатгал ХХК-д байгууллагын хариуцлагын даатгал нэрийдлээр 2024 оны 12 сарын 18-нд ТАВАН САЯ ТӨГРӨГ шилжүүлсэн.

БАРИМТ: 2024 оны 11 сарын 22-ний өдөр “Сугир үр констракшин” ХХК-ийн захирал Г.Батнямтай ХОЁР ШИРХЭГ АВТОМАТ ХААЛГА СОЛИХ гэрээ байгуулж, 13 сая 847 мянган төгрөгийг зарцуулжээ.

БАРИМТ: 2025 оны 01 дүгээр сарын 22-ний өдөр 9 сая 68 мянгаар оффис тавилга худалдан авчээ.