Мэргэжлийн байгууллагуудын судалгаанд Сэлбэ болон Дунд гол дагуу 29 байршилд зайлшгүй газар чөлөөлөх ёстой талаар дурдсан байна. Тэр дундаа олон нийтэд "Авлига хороолол" нэрээр танигдаад буй "Aqua Garden" хорооллын газрыг усны нөөц бүрдүүлэх зориулалтаар чөлөөлөх шаардлагтайг "Престиж Инжеренинг" ХХК-ийн Гүйцэтгэх захирал Ш.Ганзориг танилцуулсан.

Харин Улаанбаатар хотын захирагч Д.Сумъяабазар дээрх судалгаанд үндэслэн, барилга нураах, газар чөлөөлөх хууль эрх зүйн орчинг судална, Засгийн газарт танилцуулна хэмээн мэдэгдсэн.

"Aqua Garden" хорооллын барилгын ажлыг асуудал нэг тийш шийдэгдтэл үргэлжлүүлсээр байх уу, зогсоох уу гэдэг шийдвэр БХБЯ буюу салбар хариуцсан сайд Ц.Даваасүрэн дээр хүлээгдэж байна.