ХБНГУ-ЫН ФРАЙБУРГ ХОТОД МОНГОЛЫН СОЁЛ, АЯЛАЛ ЖУУЛЧЛАЛ, МЭДЭЭЛЭЛ, ХУДАЛДААНЫ ТӨВ ҮҮДЭЭ НЭЭЛЭЭ

Ингэснээр Монголын ЖДҮ эрхлэгчдийн бараа бүтээгдэхүүнийг Европын зах зээлд нэвтрүүлэх боломж нэгээр нэмэгдлээ.

Фрайбург хот нь жилд 6 сая жуулчин хүлээн авдаг Герман, Швейцар, Франц улсын уулзвар хил дээр оршдог аялал жуулчлалын томоохон бүс юм.

May be an image of 8 people, street and text

Арга хэмжээний нээлтэд Монгол Улсаас ХБНГУ-д суугаа Онц бөгөөд Бүрэн эрхт Элчин сайд Б.Мандахбилэг, Соёл, олон улсын харилцаа, нийгэм хариуцсан Фрайбург хотын нэгдүгээр дарга Ульрих фон Кирхбах болон албаны бусад хүмүүс оролцлоо.

May be an image of 5 people and text

Дашрамд сонирхуулахад, Фрайбург хотод байрлах Монгол Төв нь 1999 оноос өнөөдрийг хүртэл Монгол улсаа Европын орнуудаар сурталчлан таниулах ажлыг амжилттай хэрэгжүүлж байна.

Тус төв нь 1460 онд баригдсан 5 давхар 332 м.кв талбай бүхий байртай бөгөөд соёл, музей, галерей, үзэсгэлэн худалдаа гаргах зориулалтайгаас гадна зочин хүлээн авах буудал, барааны агуулахтай.

Жижиг, дунд үйлдвэрийн газар нь Монгол төвтэй хамтран 2023 оны 10 сард “Монголд үйлдвэрлэв” үзэсгэлэн худалдааг амжилттай зохион байгуулж, Нийгмийн асуудал, олон улсын харилцааг хариуцсан Хотын нэгдүгээр дарга Ulrich von Kirchbach, Жижиг, дунд үйлдвэрийн газартай цаашид хамтран ажиллах талаар санал солилцож байв.

Энэ мэдээ танд ямар санагдав?
0
0
0
0
0
0
Сэтгэгдэл:
Таны IP: (18.226.169.169)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.