Монголын соёл, аялал жуулчлал, мэдээлэл, худалдааны төв ХБНГУ-ын Фрайбург хотод албан ёсоор нээгдсэнтэй холбогдуулан Фрайбург хотын Соёл, олон улсын харилцаа, нийгэм хариуцсан нэгдүгээр дарга Ульрих фон Кирхбахын урилгаар Монголын талаас ирсэн зочид төлөөлөгчид тус хотын захиргаанд зочлов.

Арга хэмжээний үеэр Фрайбург хотын захиргаанд Монголын хөгжим эгшиглэж, Европт анх удаа соёл, худалдааны жишиг төв нээхэд дэмжлэг үзүүлсэнд талархал илэрхийлэн Засгийн газрын хэрэгжүүлэгч агентлаг, Жижиг, дунд үйлдвэрийн газрын нэрийг тус хотын “Хүндэт дэвтэр”-т бичиж алдаршууллаа.

ХБНГУ-ын Фрайбург хотноо 1999 оноос өнөөдрийг хүртэл өөрсдийн сэтгэл зүрх, хүчин чармайлтаар Монгол улсаа сурталчлан таниулах үйлст хоёргүй сэтгэлээр ажиллаж байгаа Монгол улсын иргэн эгч дүү С. Бадамханд, С. Бадамхорол, С.Бат-отгон нарт Монгол Улсын Жижиг дунд үйлдвэрийн салбарын нэрийн өмнөөс гүн талархал илэрхийлье