Нийслэлийн төсвийн хөрөнгөөр хийгдэж байгаа Буян Налайх худалдааны төвийн гэрлэн дохиотой уулзвараас 1дүгээр хорооны Уурхайчдын 14 дүгээр гудамж хүртэлх 7м өргөнтэй 0,866 км /2 талдаа 1,2 м өргөн явган хүний зам, гэрэлтүүлэгтэй/ авто замын шинэчлэлийн ажлыг “ЗБИБ” ХХК 865,2 сая төгрөгийн хөрөнгөөр хийж гүйцэтгэхээр ажлаа эхлүүллээ. Уг засварын ажил 7 дугаар сарын 01-ний өдөр бүрэн дуусч, хүлээлгэн өгөх тухайгаа албаны хүмүүс танилцуулсан.

Зам засварын ажлын зураг, шаардлагатай төсөв хөрөнгийг дүүргийн 1 дүгээр тойргоос сонгогдсон ИТХ-ын Төлөөлөгч А.Туяабаатар, Г.Баярсүрэн, Х.Анхбаяр нар холбогдох дээд шатны байгууллагад уламжлан шийдвэрлүүлснээр тус зам засварын ажил эхэлж байгаа ба хяналт тавьж, замын чанар, гүйцэтгэлд онцгой анхаарч, ХАБЭА шаардлагыг хангаж, норм дүрэм, стандартын дагуу хугацаандаа хийж гүйцэтгэхэд анхаарч ажиллах талаар холбогдох хүмүүст үүрэг болгов.

Гүйцэтгэгч компани замын хэсгийн ажлыг өдөрт нь хэсэгчилэн засварлаж оройдоо нээлттэй байлгаж, энэ Бямба гараг гэхэд бүтцийн өөрчлөлтөд орсон хэсгүүдийн суурийг сольж, дуусгахаа амласан. Тэрчлэн газар чөлөөлөлтийн ажилд дүүргийн зүгээс анхаарч дэмжлэг үзүүлэн төлөвлөсөн графикийн дагуу ажил хэвийн явагдаж байгаа талаар танилцуулсан. Олон жил хөөцөлдсөний эцэст уг ажил маань биелэлээ олж байгаа тул иргэн бүр хүлээцтэй хандаж, хяналт шаардлага тавьж ажиллахыг хорооны иргэддээ уриалж байна