Энэхүү дугаарт УИХ-ын дарга Г.Занданшатартай хөөрөлдсөн “Төр иргэнийхээ эрхийг хязгаарлалгүй хамгаалж дэмждэг байх ёстой” хэмээх гарчиг бүхий тэргүүн ярилцлага, “Баялгийн эзэд” буланд “flames” брэндийг үүсгэн байгуулагч, “Три Флэймс” ХХК-ийн захирал Т.Хонгорзулын “Бид “ХАДЛАН” брэндээс гадна 50 гаруй бараа, бүтээгдэхүүний захиалга авч үйлдвэрлэдэг” гэсэн ярилцлага, “Дуран” буланд нийгэм, улс төрийн шинэ сэргэг үйл явдлын халуун мөрөөр орсон гэрэл зургууд тус тус багтсан бол “Төрд зүтгэсэн эрхмүүд” буланд УИХ-ын гишүүн Б.Чойжилсүрэнгийн амьдралын замналыг хүүрнэн өгүүлсэн “Цойлж тодорсон Чойжоо хүү” хөрөг нийтлэл хэвлэгдлээ.

Мөн “Манлайлагч” буланд НИТХ-ын төлөөлөгч, Геодези, Усны барилга байгууламжийн газрын дарга хатагтай Л.Ариунтуяагийн “Хотыг үер усны аюулаас хамгаалахын тулд бүхий л чадлаараа хүчин зүтгэж байна” гэсэн ярилцлага, “Байр суурь” буланд “Хөрөнгө оруулалтын хуулийн нэмэлт өөрчлөлт Үндэсний аюулгүй байдалд нөлөөлөх үү”, “Хөрөнгө оруулалтын хуулийн нэмэлт өөрчлөлт гадныхныг айлгаж үргээнэ” гэсэн сэдвээр УИХ-ын гишүүд, улстөрчид, нэртэй эдийн засагч, судлаачдын санал бодлыг уралдуулжээ.