Улиран одож буй 2024 онд Монгол улсын нийгэм, эдийн засаг, улстөр, геополитик бүхий л салбарт эрс өөрчлөлт, өсөлт гарсан томоохон бодлого шийдвэрүүд өрнөлөө. Эдгээрээс оны онцлох улстөрч, онцлох үйл явдал, оны онцлох шийдвэрүүдийг тоймлон хүргэж байна.

УИХ-ын сонгуульд НАМАА ЯЛУУЛЖ улиран сонгогдсон Ерөнхий сайд Лувсаннамсрайн ОЮУН-ЭРДЭНЭ

Монголын улстөрд ШУДАРГА ЁС нэхэж, хөхөө өвлийн хүйтэнд хөдсөн дээлтэй жагсаж явсан залуу өнөөдөр өөрийн шүүмжилж явсан төрийнхөө толгойд гарчихсан, ДАНХАЙЧИХААД СУУЖ БАЙГАА нь шударга ёсонд үл нийцнэ. Авлигачидтай тэмцэнэ, төрийн хулгайг зогсооно гэж БАРДАМ АМ ГАРСАН тэрбээр өнөөдөр “Ковидын амаргүй” цаг үеийг туулж, арай гэж л аж төрж байна. Дэлхий нийтийг хамарсан Коронавируст халдварын цар тахал, түүний дараах эдийн засгийн хямрал, Орос-Украйны дайн гээд дотоод гадаад геополитикийн асуудал, нүүрсний хулгайгаас үүдэлтэй нам доторх зодоон гээд асуудлын ард залуу насны ааг омгоор гарч чадав. Ингэж явсаар 2024 оны УИХ-ын сонгуульд болж, намаа ялалтад хүргэн өөрөө ч Ерөнхий сайдын суудалд улиран суулаа.

Монголын улстөрийн түүхэнд Л.Оюун-Эрдэнэ шиг улирч сонгогдсон ЕРӨНХИЙ САЙД тун ховор. 126 гишүүнтэй шинэ парламентад Монгол Ардын нам 54 хувийн суудлыг дангаараа эзлэж байгаа ч тэрбээр сөрөг хүчин Ардчилсан нам, гуравдагч хүчин ХҮН намын төлөөллийг Засгийн газартаа урьж, “ХУРДТАЙ ХӨГЖЛИЙН ТӨЛӨӨХ ЗОРИГ”-той гэрээ байгуулан олон жил гацсан томоохон төслүүд, улс орны эдийн засагт нэмэртэй хөтөлбөрүүдийг хэрэгжүүлэн гацаанаас гаргах зорилго тавьж, зоригтой алхсан нь  улстөрчийн хувьд “СТАНДАРТ БУС ШИЙДВЭР” байсан ч улс орноо бодсон зөв шийдвэр байв.

Ерөнхий сайдын энэ зориг нь хий хоосон улстөржилт бус харин ч улсын хөгжилд жинтэй хувь нэмэр оруулах 14 том мега төслийг гацаанаас гаргаж, барианд оруулахад хамгийн зөв алхам байсан гэхэд хол зөрөхгүй юм.