Инновац, цахим бодлогын болон Эдийн засгийн байнгын хорооны хамтарсан хуралдаанаар "Виртуал хөрөнгийн үйлчилгээ үзүүлэгчийн тухай хуулийн төсөл"-ийн анхны хэлэлцүүлгийг хийлээ. Өнөөдрийн байдлаар Монгол улсад нийт 9 төрлийн бирж буюу виртуал хөрөнгийн үйлчилгээ үзүүлэгч үйл ажиллагаа явуулж байна. Идэвхитэй арилжаанд 8 койн, иргэдээс хөрөнгө татан төвлөрүүлээд хараахан арилжаа эхлээгүй байгаа 10 койн байна.

 

Энэ хууль бол хааж эсэргүүцэх, эсвэл дэмжин сурталчлах хууль огт биш. Бид зөв зүй зохистой, төвийг сахисан, хяналтын тогтолцоог бүрдүүлж, виртуал хөрөнгийн салбарыг эрүүлээр хөгжих, цаашлаад иргэдийн эрх ашгийг аюул эрсдлээр урьдчилан сэргийлэх эрх зүйн орчныг тодорхойлохоор зорьж байна.