Монгол Улсын бүх иргэд, аж ахуй нэгж байгууллага, барилга байгууламж бүгдийн мэдээллийг нэгтгэн гаргадаг нэг чухал байгууллага бол Үндэсний статистикийн хороо юм. Хэдийгээр улс даяарх бүх мэдээллийг нэгтгэж гаргадаг ч үйл ажиллагаа нь төдийлөн сайн биш гэдгийг УИХ-ын дарга Г.Занданшатар онцолсон нь бий. Олон нийтийн зүгээс  дутуу мэдээлэл гаргадаг хэмээн шүүмжлэл дагуулдаг статистикийн газар нь хамгийн сүүлд ковидын улмаас эдийн засгийн хямралд өртөөд байхад ЦАЛИН 1,6 сая болсон хэмээн тооцоог танилцуулсан. Тэгвэл тус газраас төсвийн 2 тэрбум 198 сая төгрөгөөр автомашин, техник хэрэгсэл авах тендер зарлажээ.

Статистикийн мэдээлэл боловсруулалт, тархаалтад шаардлагатай компьютер, тоног төхөөрөмж 889,100,000 төгрөг, Статистикийн мэдээллийн аюулгүй байдлыг хангах программ хангамжийн лиценз 327,120,000 төгрөг, Статистикийн орон нутгийн нэгжүүдийн хэрэгцээнд ашиглах тавилга, архивын шүүгээ 141,980,000, Орон нутагт статистикийн судалгаа, мэдээлэл цуглуулалтад шаардлагатай байршил заагч төхөөрөмж бүхий тээврийн хэрэгсэл 840,000,000 төгрөг зарцуулахаар төсөвлөжээ.