Монголын ард түмний татварын мөнгөөр боссон ТӨРИЙН БАНК өрийн банк болоод удаж буй. Өмнөх дарга нь Хятад компанийн захиралд их хэмжээний зээл гаргаж өгсөн хэргээр эрүүгийн хариуцлага хүлээсэн. 2017 оноос хойш өнөөг хүртэл энэ банкийг Ө.Гантөр захирал удирдаж байгаа. УИХ-ын нөлөө бүхий гишүүдтэй хамтарч ажилладаг тэрбээр овоо чинээлэг нэгэн.

Тодруулбал, түүний нийт орлого 427 сая 777 мянган төгрөг, гэр бүлийн гишүүдийн нийт орлого 684 сая 425 мянган төгрөг. Нийтийн 5 орон сууцтай байсанаа багасгаж нэг орон сууцтай. Орон сууц, нэг авто зогсоол зэргээ 241 сая 279 мянгаар үнэлжээ. Ланд-200 –гаа зараад туулах чадвар сайтай, 10 саяын үнэтэй Хюндай тракэн авто машинтай үлдсэн байна. Эзэмших эрхийн 0,07га хэмжээтэй гурван газраа 15 сая гэжээ. Дотоодын банк санхүүгийн байгууллагад 192 сая 299 мянган төгрөгийн ХАДГАЛАМЖТАЙ. Бусдаас 79 саяын авлагатай. 492 саяын ЗЭЭЛТЭЙ. “Эрдэнэс Таван толгой” ХК-ийн 1608 ширхэг хувьцаа, “Тэтгэврийн ууган сан” ХХК-ийн нэг ширхэг, “Сайн валю” хоршооны нэг ширхэг, “Голомт банк”-ны 2400 ширхэг, “Мандал ассет менежмент” ХХК-иас хувь эзэмшдэг гэжээ.