Өмнөговь аймгийн Засаг дарга Р.Сэддоржийн санаачлагаар "НУТГИЙН ХИШИГ" хөтөлбөрийн хүрээнд Өмнөговь аймагт Инновац технологийн төвийг үүсгэн байгуулах Удирдах зөвлөлийн анхдугаар хурал өнөөдөр боллоо.

 

Уг төвийн үйл ажиллагаа нь Өмнөговийн бүс нутагт үйлдвэрлэлийг хөгжүүлэх боломж болон гадаад, дотоодын дэвшилтэт технологиудын судалгааг хийх, тус бүс нутагт нэвтрүүлэх боломжийг мөн судалснаар үйлдвэрлэлийг хөгжүүлэхэд чиглэгдэх юм. "Инновац технологийн төвийн үндсэн үйл ажиллагаа нь жижиг бизнес эрхлэгчид, дунд үйлдвэрлэл эрхлэгчдийн тэгш хүртээмжийг хангаж ажиллах зорилт тавьсанаар онцлог юм" гэж тус төслийг санаачлагч дурьдсан.

 

Өмнөговь аймагт ИТТ байгуулахад Өмнөговь аймгийн ЗДТГ, Эрдэнэс Тавантолгой ХК, Тавантолгой ХК, Иргэний төлөөллийг хамруулсан байна. Өмнөговь аймагт байгуулагдаж байгаа ИТТ нь нээлтээ ирэх нэгдүгээр сард хийж иргэд, ААН-үүдэд үйлчилж эхлэх юм байна.