Баянзүрх дүүргийн Засаг дарга Н.Баярмөнх холбогдох удирдлагууд 7 хоног бүр иргэдтэй уулздаг. Энэ удаагийн уулзсан иргэдийн дийлэнх нь газрын маргааны асуудлаар уулзсан. Энэ үеэр Засаг дарга Н.Баярмөнх хэлэхдээ:

"Баянзүрх дүүрэг газар нутгийн хэмжээ том учраас газрын маргаан тасардаггүй. 7 хоног бүр уулзаж буй иргэдийн 90 гаруй хувь нь ямар нэгэн байдлаар газрын асуудал хөнддөг. Дүүрэг орон нутаг иргэдийн ярьж, хэлсэн бүрийг шийдэх боломжгүй ч зарим зүйлсийг анхаарч боломж гэж харж ажиллана. Тухайлбал нэг газар хоёр зөвшөөрөл олгосон, амьтан, хүн чөлөөтэй зорчих эрхийг хязгаарласан зам харгуй, стандарт бус төмөр хашаануудыг цэгцэлж "ХАШАА АРГА ХЭМЖЭЭ"-г хэрэгжүүлнэ" гэсэн юм.

Мөн 2022 онд дэд бүтэц, төлөвлөллттэй холбоотой асуудлыг шийдвэрлэж, холбогдох арга хэмжээ авах талаар онцолоо.

Иргэд хотын стандартыг бүх нийтээрээ мөрдөж, амьдарч буй газрынхаа ойр орчимдоо эзэн болж хариуцлагатай байхыг уриалж байна.