Засгийн газраас төсвөө хэмнэ гэдэг үүрэг даалгавар өгчихсөн. Үүнийг төрийн мэдлийн бүхий л байгууллага, аж ахуй нэгжүүд, үйлдвэрийн газрууд биелүүлэх ёстой.  Ковидын улмаас эдийн засаг сөхөрч вакцинаа ч худалдан авч чадахгүйд хүрч гадны орнуудаас гуйлгачилж авч байгаа. Ийм учраас төрийн байгууллагууд илүү хэрэглээ гаргахгүй, төсвөө хэмнэж улсдаа мөнгө хуримтлуул гэсэн чиглэлийг өгсөн.

Засгийн энэ шийдвэр зөв ч зарим том толгойтой дарга сайд нарт таалагдахгүй байна. Тодруулбал Байгаль орчны яамнаас яг ковидын голомт идэвхтэй дэлгэрч, өдөр 1500 гаруй хүнд халдвар тархаж байгаа цаг үед тендер зарлаж НЭГ ТЭРБУМ ТӨГРӨГИЙГ хэрэггүй, онц ач холбогдолгүй зүйлд зарцуулах гэж байна.

Засгийн газрын 43-р тогтоолд төрийн бүх шатны байгууллага хэмнэлтийн горимд шилжиж, унаа тэрэг авахгүй байх, урсгал завсар хийхгүй байх, ууж идэх зүйл худалдан авч болохгүйг анхааруулсан. Засгийнхаа шийдвэрийг үл оошойн Байгаль орчны яамнаас харьяа газрууддаа ФУРГОН машин авч өгөхөөр болжээ. Мэдээж харьяа газруудад унаа, нийгмийн баталгаа чухал л даа. Гэхдээ цаг үе, нөхцөл байдлаа бодолцох ёстой. Ц.Уртнасан сайдаа. Фурган чухал уу, Монголын нийт ард түмний эрх ашиг, эрүүл мэнд чухал уу гэдгийг та бодно байгаа!!!