Нийслэлийн төсөв 400 гаруй саяар алдагдсан гэдгийг НИТХ-ын дарга Ж.Батбаясгалан мэдэгдэж байв. Гэтэл мань өөрөө нийслэлийнхээ төсвөөс 20 сая төгрөг халаасалсан байжээ.

Тодруулбал одоогийн УИХ-ын гишүүн, Шадар сайд С.Амарсайхан хотын дарга байхдаа албан хаагчдынхаа нийгмийн асуудлыг шийдвэрлэнэ гээд нийслэлийн төсвөөс 938 сая төгрөг зарлагадсан баримт бий.  Уг захирамжид дурдсанаар хотын удирдлагуудад тус бүрд нь хорин сая, гурван дүүргийн Засаг даргад 50, 50 сая төгрөгийн дэмжлэг үзүүлсэн байна. Тэдгээр нь Багануурын Засаг дарга асан одоогийн УИХ-ын гишүүн Ц.Сандаг-Очир, Налайх дүүргийн Засаг дарга Ч.Раднаабазар, Багахангай дүүргийн Засаг дарга Б.Эрдэнэбаяр нар юм.

Одоогийн УИХ-ын гишүүн Ц.Сандаг-Очир нь 2020 оны УИХ-ын сонгуульд өрсөлдөхдөө АТГ-т гаргаж өгсөн ХОМ-тээ 55845.45 өөрөө ийм орлоготой бол гэр бүлийн нийт орлого нь 55845.45 төгрөг аж. Зуслангийн нэг байшинтай бол гурван орон сууцтай, нэг граштай. Тэднийгээ 170050.00 сая гэж үнэлжээ. 37440.00 төгрөгийн үнэ бүхий Үхэр-16, Хонь-185, Ямаа-35, Хурдан удмын адуу-3, Адуу-3-тай гэв. 54924.63 төгрөгийн хадгаламжтай. Бусдаас 25000.00 төгрөгийн авлагатай аж.