Дүүргийн удирдах ажилтнуудын ээлжит шуурхай зөвлөгөөн өнөөдөр болж дүүргийн Засаг даргын дэд бүтцийн асуудал хариуцан орлогч Э.Ууганцэцэг хурлыг удирдан явууллаа. Хурлын эхэнд өнгөрсөн хуралдаанаар өгсөн үүрэг даалгаврын биелэлттэй танилцав.

Энэ үеэр Цагдаагийн газар, Эрүүл мэндийн төв, Агаарын бохирдолтой тэмцэх тасаг, Мэргэжлийн хяналтын хэлтэс болон бусад хэлтэс, албадын удирдлагууд цаг үеийн нөхцөл байдлын талаарх мэдээллийг танилцуулж, омикрон вирус халдвараас урьдчилан сэргийлэх бэлтгэл ажлыг хангах талаарх асуудлыг хэлэлцлээ.

Нийт байгууллагын удирдлагуудад “Covid-19” халдварын батлагдсан тохиолдлын тоо нэмэгдэж, тархах эрсдэл өндөр байгаатай холбогдуулан төр, хувийн хэвшлийн байгууллагууд халдвараас урьдчилан сэргийлэх, халдвар илэрсэн үед авах арга хэмжээний тухай түр зөвлөмжийг хэрэгжүүлж ажиллах болон бусад үүрэг даалгаврыг өглөө.